Den Dëschtennis Nidderkäerjeng spillt no 5 Joer an der Nationale 2 déi nächst Saison erëm an der Audi League.
No enger gudder Saison mat just enger Néierlag an 18 Matcher huet eis 1. Ekipp den Exploit fäerdeg bruecht an d’Audi League opzesteigen.
Duerch eng konstant gutt Leeschtung vum Irfan & Evgheni an duerch d’Ënnerstëtzung vum Steven & Kev huet eis 1. Ekipp et verdéngt an der Saison 2024/2025 endlech erëm ganz Uewe matzespillen.
Mär sinn houfreg op eis Jongen a freeën eis op déi nei Saison an der Audi League.
E grousse Merci geet och un eis Supporter an un eis Sponsoren.
Eis Equipe gewënnt haut den zweeten an domat och leschte Match an der Gruppephase mat 4-1 zu Bologna a gëtt doduerch Gruppegewënner.
Gratulatioun un den Irfan, Evgheni, Steve & Luca
Mat dësem gudde Resultat hun den DTN sech fier den Haaptableau qualifizeiert an spillt elo den 17.03.24 um 11:00 zu Käerjeng an der Hall geint den TTC Bruck/Leitha aus Éisträich.
Nodeems eis Senioren schonn am September hire Clubchampion gesicht hunn, gouf dann och dësen Donneschden (07/12) bei eisen Nowuessspiller ëm den Titel gekämpft.
Gratulatioun un den Iustin Cazamir, deen sech no e puer spannende Matcher duerchsetze konnt a sech elo offiziell beschte Jugendspiller 2023 vum D.T. Nidderkäerjeng nenne kann.
Hei de komplette Podium:
Iustin Cazamir
Bailey Precht
Nicolas Reuter
Lucas Li
Fir den Ofschloss huet dann och nach de Kleeschen jidderengem eng Tiitchen mat Schockela laanschtbruecht.
Den Dëschtennis Nidderkäerjeng ass houfreg op seng 2. Equipe 👏🏼
Duerch e Parcours sans-faute (8 vun 8 Matcher gewonnen) hunn si sech schonn 1 Spilldag viru Schluss de Championstitel vun hirem Bezierk an der 1. Divisioun gesëchert. 🥇
Domat spillt eis 2. Equipe ab Januar 2024 erëm verdéngt an der Promotioun.
Den D.T. Nidderkäerjeng gewënnt säin Optaktspill am TT Intercup mat 4-0 géint den TSV 1990 Merseburg.
Mär gratuléieren dem Irfan, Steven, Vincent & Evgheni fir hir kloer Victoire. A mär drécken d‘Daumen fir den zweete Gruppematch de 16. Dezember zu Bologna.
Eis Dammen konnten sech den 06.02.2022 den Championstitel bei eis zu Käerjeng an der Hall secheren!
Sie konnten sech geint Rued, Houwald an Entente vun Nouspelt/Eiter-Waldbredimus duerchsetzen!
Den nächsten Donneschden, den 24.02.22 spillen eis Damen an der Final vun der Coupe geint den DT Rued an eiser Hall zu Käerjeng. Den Match geht um 18:00 un. Bei engem Erfolg keinten sie den Doublé machen.
Weider Infoen zu den Resultater fannt dir am Artikel vun der Federatioun:
Dei lescht Saison war fir keen Club einfach, och net fir eis, nom Ofbroch vum Championnat nom 4ten Spilldag an der Ofso vun villen Eventer hat een des Saison och schonn erëm quasi ofgeschriwwen.
Glécklecherweis ass et zemools zum Ufank vum Joer 2021 erëm an eng méi positiv Richtung gaangen an mir konnten erëm verschidden Eventer organiséieren. Et huet sech och gewisen dass all eis Memberen einfach frou waren erëm konnten ënner Leit ze sinn an och all bekannten Leit erëmzegesinn.
Zum Start vun der neier Saison déi dësen Samschden ugeet wollten mer een klengen Resumé machen.
Folgend Eventer konnten mer an dene leschten Wochen organiseieren:
Beschfest am Bommertbesch
Apacken an Verdeelen vum Let´s Pack vun der Gemeng Käerjeng
Grillen beim Nationalfeierdag Apéro-Brunch vun der Gemeng Kaerjeng
Grillen beim Kaerjeng Live Light
Organisatioun vun eiser Generalversammlung
Och eis Spiller konnten hier Leeschtung erëm beim Dësch weisen, sou konnten mer folgend Erfolleger feieren:
Coupe de luxembourg Dames
Champion de luxembourg Dames an seumat och den Doublé gema
Landesmeschter an der Kategorie Minimes filles fiert Enisa Sadikovic
Landesmeschter an der Kategorie Cadets filles fiert Melisa Sadikovic
3t Platz bei den Landesmeschterschaften bei den Junioren fier den Steven Georges
Hei fannt der nach e puer Photoen, mir hoffen op eng schéin Saison 2021-2022!
